Ey pür-gül ü şükûfe yüzüñle behâr-ı hüsn

Ey pür-gül ü şükûfe yüzüñle behâr-ı hüsn

Mihr-i rûhuñle rûşen olur rûzgâr-ı hüsn

Bâğ-ı cemâl hüsnüñ ile pür-safâdurur

Şâd-âbdur cemâlüñ ile nev behâr-ı hüsn

Nahl-i kadüñ ki serv-i ser-efrâz-ı hüsndür

Oldı bülend kadd-i bülendüñle kâr-ı hüsn

Yap göñlümüñ harâbesin ey bânî-i cefâ

Bir gün ola harâba vara kâr [u] bâr-ı hüsn

Sultân-ı hüsn yüzüñ ü hâcibdürür kaşuñ

Cellâd çeşm ü zülf-i siyeh perde-dâr-ı hüsn

‘Işk-ı riyâyı terk idemez zâhidi görüñ

Şükr-i Hudâ ki ‘Avnî degül şerm-sâr-ı hüsn