Ey Kerîm Allâh ey Ganî Sultân

Derdliyiz senden umarız dermân

Lutfuna had yok ihsâna pâyân

Derdliyiz senden umarız dermân

Gerçi kullarda ma'siyet çokdur

Rahmetin Mevlâm dahı artukdur

Gayrıdan bize hiç meded yokdur

Derdliyiz senden umarız dermân

Gel demez isen biz günahkâra

Bir adım kâdir mi ki yol vara

Çâre yok senden olmazsa çâre

Derdliyiz senden umarız dermân

Şuna kim senden bir hüdâ geldi

Feyz-i akdesden âşinâ geldi

Bir cefâsına bin safâ geldi

Derdliyiz senden umarız dermân

Bu Niyâzî çün zikrine düşdü

Dün ü gün gönlü fikrine düşdü

Zâtına eren şükrüne düşdü

Derdliyiz senden umarız dermân

Son Yazılar