Ey garîb bülbül diyârın kandedir

Bir haber ver gül ızârın kandedir

Sen bu ilde kimseye yâr olmadın

Var senin elbette yârin kandedir

Artdı günden güne feryâdın senin

Âh u efgân oldu mu'tâdın senin

Aşk içinde kimdir üstâdın senin

Bu senin sabr u karârın kandedir

Bir enisin yok aceb hasretdesin

Râhatı terk eyledin mihnetdesin

Gece gündüz bilmeyip hayretdesin

Yâ senin leyl ü nehârın kandedir

Ne göründü güle karşı gözüne

Ne büründü bakdığınca özüne

Kimse mahrem olmadı hiç râzına

Bilmediler şeh-süvârın kandedir

Gökde uçarken seni indirdiler

Çâr-unsur bendlerine urdular

Nûr iken adın Niyâzî kodular

Şol ezelki i'tibârın kandedir

Son Yazılar