Ey dürr-i pâk agzuña nisbet senüñ sadef

Deryâ sevâhilinde yatur pâre-i hazef

Bahr-i muhît-i eşküme ger dil uzatmasa

Deryâ yüzine urmaz idi bâd-ı subh kef

Hâk-i rehüñden irdi meger subh-dem nesîm

Bûy-ı ‘ abîr ü ‘ anber ile toldı bu taraf

Zahm-ı hadeng-i yâr sa’ âdet nişânıdur

Sînem ideydi ol kaşı ya kâşkî hedef

Bir mâhdur ki çevresin almış sitâreler

Bezm-i şarâba gice ‘ aceb şevk virdi def

Eşküm gibi gamuñla kılup terk-i hânmân

İtdüm yoluñda varumı çeşmüm gibi telef

Esrâr keşfin itmek için sûfî Bâkıyâ

Başın murakka’ ına çeker nitekim keşef

Son Yazılar