Ey dirîġâ yine benüm oldı işim neyleyem

Ey dirîġâ yine benüm oldı işim neyleyem

Aşḳ-ıla ḫôş oldı bu âvâre başım neyleyem

Nûş idelden câmını ‘aşḳıñ elinden bir ḳadeḥ

Âh u efġân oldı etmeg-ile aşım neyleyem

Ġâfil iken nâgehânî geldi bu sevdâ baña

Ey mu‘abbir niçe ta‘bîr ola düşüm neyleyem

Yaġma ḳıldı bu vücûdum mülkünü derd-i Ḫudâ

Ḳılmadı aṣṣı bu nefsânî ṣavaşım neyleyem

Yedi deryâ cûş idüben mevcini ḳıldı beyân

Maḥva irdi kim bu topraġ-ıla daşım neyleyem

Cân beḳâ iḳlîminiñ evṣâfına düşdi gider

Ten vücûdında fenâ buldı merâsim neyleyem

Âh ki bu derdiñ elinden yaralandı yüregim

Âleme rüsvây oluban ṭoldı fâşım neyleyem

Ey ḥakîmâ kim bu derdime ḳaçan dermân ola

Yâ nice bir aḳısardur ḳanlu yaşım neyleyem

Küfr ü îmân nisbetinden el yudurdı ‘aşḳ baña

Anca kim artar hemân baġrımda başım neyleyem

Bu Sinân Ümmî hemişe derd-i yâre mübtelâ

Ey dirîġâ yoḳ-durur bu yolda işim neyleyem