Esdi kûyından sabâ şâd olmaga bâdî budur

Esdi kûyından sabâ şâd olmaga bâdî budur

Ayagı tozıyla geldi bâ`is-i şâdî budur

Mâni` oldı hâb-ı nâza diyü gül açılmamış

Incinilmez bülbül-i şeydâya mu`tâdı budur

San`atıyla haşre dek andırdı kendin Kûh-ken

Kâr-ı `aşkun işte bir onmaduk ırgadı budur

Şîve-i mahbûb zevkinden haberdar olmadun

Bilmedün ey Kays `âlem bundadur vâdî budur

Destüme sâgar alup itdüm riyâyı ber-taraf

Pîr-i aşkun bana Yahyâ şimdi irşâdı budur