Es-salâ dest-i irâdetle açıldı bâb-ı aşk

Es-salâ dest-i irâdetle açıldı bâb-ı aşk

Eylesün cânân ile cân sohbetin erbâb-ı aşk

Zâyi` olmaz yolda olsun tek hemân hâşâk-ı dil

Bir gün ugrar anı bahre irgürür seyl-âb-ı aşk

Gevher-i maksûdı deryâ-dil olanlardur bulan

Degme bir bahr içre bulunmaz dür-i nâ-yâb-ı `aşk

Meclis-i devre girenler itmez ümmîd-i halâs

Kangı keştîdür ki nâ-bûd itmedi gird-âb-ı `aşk

Var mı Yahyâ zerrede ol tâb kim ârâm ide

Aleme pertev salınca mihr-i âlem-tâb-ı `aşk