Erişti bahâr oldu yine hemdem-i nevrûz

Erişti bahâr oldu yine hemdem-i nevrûz

Şâd etse nola dilleri câm-ı Cem-i nevrûz

Gül gibi cihân oldu yine hurrem ü handân

Gör neyledi feyz-i eser-i makdem-i nevrûz

Yılda bir olur bu dem-i ferhunde acep mi

Olmazsa her eyyâmda ger âlem-i nevrûz

Rind isen eger ko heves-i bâğ-ı behişti

Cennet mi değil bezmgeh-i hurrem-i nevrûz

Nefî yaraşır bu gazeli eylese taksîm

Bülbül gibi bir mutrıb-ı muciz dem-i nevrûz

Bezm-i şehe bu nazm ile olsan güherefşân

Güyâ ki gülistâna düşer şebnem-i nevrûz

Ârâyiş için bezmini Sultân Murâd’ın

Erişti bahâr oldu yine hemdem-i nevrûz

Nef'î