Ehl-i diliz felekde belâmız budur bizim
- Enes
- 4 Ara 2019
- 1 dakikada okunur
Ehl-i diliz felekde belâmız budur bizim
Tutduk reh-i savâbı hatâmız budur bizim
Dehrin hemîşe çekmedeyiz germ ü serdini
Ancak me'âl-i sayf u şitâmız budur bizim
Meftûn-ı habb-ı hâli vü maʿcûn-ı laʿliyiz
Düşdük belâ-yı keyfe gıdâmız budur bizim
Hem-vâre peyk-i âh n'ola olsa rû-be-râh
Kûy-ı nigâra nâme-resâmız budur bizim
Nazmım görüp der imiş o müşkil-pesend-i nâz
Tarz-ı Nedîm-i tâze-edâmız budur bizim
Comments