Ebrû vü müjen tîg-i cefâ tîr-i kazâdur

Ebrû vü müjen tîg-i cefâ tîr-i kazâdur

Ol kâkül-i pür-çîn ise emvâc-ı belâdur

Aşûb u fitendür hat u hâlün senün ey mâh

Ol gamze-i hûn-rîz ise bir hışm-ı Hudâdur

Zülf-i siyehün dâm-ı giriftârî-i uşşâk

Bîmâr gözün derd-i derûn-ı zu`afâdur

Zehr akmada her bâr rakîbünse yüzünden

Her bir sözi öldürmese de câna cefâdur

Çün hükm-i kazâdur bu cefâlar bu belâlar

Yahyâ'ya düşen cân ile teslîm ü rızâdur