Ebr-i bahâr-ı ‘işvedür ebrû degüldür ol

Ebr-i bahâr-ı ‘işvedür ebrû degüldür ol

Bârân-ı hüsn riştesidür mû degüldür ol

Tâvûsdur ki ravzada cevlâna başlamış

Ruhsâruñ üzre zülf-i semen-bû degüldür ol

Jengâr sanduñ âyînede nakş-ı hattuñı

Yañlış görişdüñ ey yüzi gül o degüldür ol

Zencîr-i zülf-i dil-bere dîvâne olmayan

Baglamaludur ey göñül uslu degüldür ol

Geşt itme deşt-i hasreti âhuñla Bâkıyâ

Sayd-ı kemend-i âh olur âhû degüldür ol