Düşürür birbirine bin dili bir dem şâne

Düşürür birbirine bin dili bir dem şâne

İstemezse nola ol turra-i pür ham şâne

Kimse araların ıslâh edemez müşkül bu

Ser-i zülfünden eğer olur ise kem şâne

Düşürür dilleri çâh-ı zekana tutmaz ise

Dâmen-i zülf-i dilâvîzini muhkem şâne

Bu letâfet ki var ol turra-i hamderhamda

Olsa lâyık per-i Cibrîl-i mücessem şâne

Tîg-ı gamzeyle dil-i sâfı ko sad çâk etsin

Çünkü ol şûha hem âyîne gerek hem şâne

Teşne-i gamzesi yetmez mi ki bir demde vurur

Dil-i mecrûhuma bin hançer-i Rüstem şâne

Bend-i zülfüne giriftâr olalı ol şûhun

Oldu Nefî gibi sırr-ı dile mahrem şâne