Düşse zülfiñden ‘arak ruhsâr-ı cânân üstine

Düşse zülfiñden ‘ arak ruhsâr-ı cânân üstine

Gûyiyâ şeb-nem düşer gül-berg-i handân üstine

Bulmaz ol ruhsâr ile ol kadd-i zîbâ hâletin

Baglasañ bir deste gül serv-i hırâmân üstine

Kâküli sanmañ görinen tâ’ ir-i devlet hümâ

Sâye salmışdur o şâhenşâh-ı hûbân üstine

Niçün ol hûrşîd-i ‘ âlem-tâba öykündüñn diyü

Mâh-ı nev hançer çeker mihr-i dırahşân üstine

Zîr-i zülfüñde görenler hattuñı ebr-i bahâr

Sâye salmış sandılar sahn-ı gülistân üstine

Gam degül gelse dile Bâkî pey-â-pey derd ü gam

Eksük olmaz tekyedür mihmân mihmân üstine