Düş hâke dirse `âşıkına dil-beri düşer

Düş hâke dirse `âşıkına dil-beri düşer

Ferş-i kadem ider yüzin âdem yeri düşer

Bir iki günde lâle-i mey-hârı seyr idün

Ditrer ayagı turmaz eli sâgarı düşer

Irgürse bâga bu yürüyüşden haber nesîm

Endâm-ı bîde lerze gelür hançeri düşer

Yüz yire koyup aglar işügünde ehl-i derd

Devlet anun ki kapuna sîm ü zeri düşer

Yahyâ gibi fütâde olursa gören nola

Hûb olıcak metâ` ana çok müşterî düşer