Dürr-i mengûşunla rûyun denli bulmaz nûr u tâb

Zühre ger olsa felekte gûşvâr-ı âfitâb

Devr ederler bîkarâr olup cihânı rûz u şeb

Hep esîr-i tâb-ı rûyun âfitâb u mâhitâb

Dil nice nerm olmasın girdikçe bezm-i hüsnüne

Gerdenin sîmîn-sürâhî leblerin lalîn-şarâb

Hâller zîbâ yaraşmış leblerinde câbecâ

Hak bu ki hûb imtizâc etmiş şarâb u habb-i nâb

Terlese rûyun hatt-ı müşgîn anı hoşbûy eder

Hûb olur ger perveriş bulsa benefşeyle gülâb

İhtiyâr etsin sana kul olmağı Nefî gibi

Her kim isterse nasîb-i kâmrânîden nisâb

Nef'î

Son Yazılar