Dün gönül dilbere şehr-i gam-ı pinhân etdi

Dün gönül dilbere şehr-i gam-ı pinhân etdi Cem' iken gönlünü bir pâre perîşân etdi

Yer dutam derdi gönül nâle ile kûyunda Yetmedi bir yere her nice ki efgân etdi

Va'de verdi cigerüm kanın içe müjgânun İntizâr ile bu hasret cigerüm kan etdi

Gamze tiğiyle gözün gönlümü yüz pâre kılup Her birin bir hedef-i nâvek-i müjgân etdi

Kıldı mihraba kaşım fikri fakîhi mâ 'il Gör nice kâfiri ol va'z müselmân etdi

Göreyin çoh yaşasun dîde ki merdümlük edüp Gam hücumunda meni eşk ile pinhân etdi

Ey ecel cân tama'ın kılma Fuzûlî den kim Bir kemân-ebrûya çohdan anı kurbân etdi