Dôst cemâli şem‘iniñ pervânesidür cânımuz

Dôst cemâli şem‘iniñ pervânesidür cânımuz

Anuñ-içün ol Muḥammed nûrıdur îmânımuz

Çün Muḥammed nûrına maẓhar yaratdı

Lâyezâl Tevḥîd-i ẕât-ı İlâhîdür bizüm burhânımuz

Âleme geldük bugün illâ ki infâḳ olmaduḳ

Cân gözinden görinen oldur bizüm seyrânımuz

Ayn ü şîn ü ḳâf ile geldük cihâna bî-gümân

Anuñ-içün ġayret-i Ḥaḳdur bizüm erkânımuz

Ehl-i ḳâl insâna degül yoḳdur aña sözimüz

Ehl-i ḥâl ‘âşıḳlara söyler bizüm ‘irfânımuz

Ehl-i ḥâliñ sırrını fehm eylemez nâdân olan

Dört kitâba lâ diyendür İblîs ü Şeytânımuz

Evliyâ bâbındadur ‘ilme’l-yaḳîn ḥaḳka’l-yaḳîn

Muṣṭafâ sırrından alur dersini mihmânımuz

Âyet-i Raḥmâna uyduḳ ḥamdü li’llâh çoḳ şükür

Ten ü dilden cân u dilden ẕikr olan Sübḥânımuz

Dir Sinân Ümmî bize mürşid olan Hûdur hemân

Evvel âḫır baḥriyüz Hûdur bizüm ‘ummânımuz