Dîvâne-i ışk olduğum bir kayd olur cânânuma

Bu bir zarûrî derd imiş müşkil belâdur cânuma

Aldı ayağum ışk ile derd ü belâyam hâsılı

Hem kendüme hem yâruma hem cümle-i yârânuma

Bir bir disün ahvâlümi yâd eylesün ansun beni

Varsun sarây-ı dilbere ısmarladum efgânuma

Bâb-ı habîbümden yana gün gibi gündüz varmazın

Sâyem dahi takılmasun yârum yolında yanuma

Ne cevr iderse eylesün ben kulluğından râzîyam

Zâlımlıg ile anmazın sultânumı sultânuma

Sultân-ı ışk oldum velî serv-i bülendüm âh kim

İtmez gönül alçaklığın gelmez benüm dîvânuma

Yahyâ rızasın gözlerin hep ağlamag olur işüm

Hoş gelse giryân olduğum ol gonca-i handânuma

Taşlıcalı Yahya

Son Yazılar