Dîde hûn-ı dille pür oldukça eşk-i ter döker

Dîde hûn-ı dille pür oldukça eşk-i ter döker

Aglamakdan gayrı dermân bulımaz ölçer döker

Kâş ol toprâg olaydum gûşe-i mey-hânede

Üstüne sâkî-i meclis cür`a-i sagâr döker

Sür`ât itme sâkiyâ destünde varken tolı câm

Bâd-ı tünd esdükce bir gün bâgda güller döker

Gâh nergis `ayş ider zerrîn kadehle râygân

Gâh olur girmez eline nice sîm ü zer döker

Bir `aceb vâdîye saldı `aşk-ı bî-pervâ beni

Ana ankâ-yı hayâl ugrarsa Yahyâ per döker