Dâg-ı hicrânıñ ile göz göz olup yârelerim

Dâg-ı hicrânıñ ile göz göz olup yârelerim

Dimediñ kanda olur ‘âşık-ı bî-çârelerim

Katlimi eyler idim gamze-i cellâda helâl

Görmese kâfir eger kanlu ciger pârelerim

Fikr-i zencîr-i siyeh-zülfüñ ile rûz u şeb âh

Aklı yagmâya virüp meşk-i cünûn karalarım

Rahm idüp hastesine gelmez ise ol kaşı yâ

Gûşe-i gamda yatup pîrehenim pârelerim

Renc-i hasretle neler çekdi bu bî-kes Leylâ

Dâg-ı hicrânıñ ile göz göz olup yârelerim