Dirîğ âyîne-âsâ bulmadım yüz ser-tırâşımdan

Hurûş-ı âb-ı şemşîr-i tegâfül aşdı bâşımdan

Girîbân çâk olup hayretle sundum destine nâgâh

Dil-i sad-pâreyi ben şâne zannetdim telâşımdan

Süvâr ol ey perî gerdişler et gül-gûn-ı çeşmimle

Ki ben ebrû-yı zîn âmâde ettim ona kâşımdan

Dahı gelmez kelâl ol neşter-i ser-tîz-i müjgâna

Felekler şîşe-i haccâma döndü kanlı yaşımdan

Nedîmâ dahı cünbiş gelmedi ol tâk-ı ebrûya

Nigûn-sâr oldu bin kûh-ı tahammül irtiʿâşımdan

Son Yazılar