Dimezem vuslat ümîdiyle beni şâd eylegil

Dimezem vuslat ümîdiyle beni şâd eylegil

Râzıyam cevr ü cefâ kılmağ içün yâd eylegil

Ger sanevber hizmet-i kaddüñde kıldıysa hilâf

Serv kaddüñçün çevir başuñdan âzâd eylegil

Cevr içinde cân virmekdür murâdum çün benüm

Ey rakîb ol yâra gayri san‘at irşâd eylegil

Âteş-i gamla gubâruñ yele virse ol sanem

Seyl-i eşküñle revân ol hâki âbâd eylegil

Çün felekden ‘Avnîyâ gamdur irişen âh ile

Bu perîşân-hatt olan evrâkı ber-bâd eylegil