Dil nakdin alur gamzesi itmez anı pürsiş

Dil nakdin alur gamzesi itmez anı pürsiş

Ol çeşm-i siyehkâr inen sag degülmiş

Peykânı irer cânı keser hanceri bî-bâk

Gûyâ ki biri hâkim u birisi müfettiş

Işler diyü zahm-ı dili ko nâle vü zârı

Zinhâr sakın iş degül ey gam-zede bu iş

Ferzâne geçüp sola saga salma sakın at

Bu nat`-ı cihânda nice şâha didiler kiş

Her seng-i cefâ kim atar ol yâr-i hışmnâk

Yahyâ'ya gelür her biri ta`zîm ü nevâziş