Devr-i gül eyyâm-ı ‘ayş u nûş-ı sahbâdur yine

Devr-i gül eyyâm-ı ‘ ayş u nûş-ı sahbâdur yine

Mevsim-i gül-geşt-i bâg u seyr-i sahrâdur yine

Turra-i müşgîni sünbül ‘ ârız-ı rengîni gül

Subh-dem ruhsâr-ı ‘ âlem şöyle zîbâdur yine

Günbed-i eflâke çıkdı gulgul-i mürgân-ı bâg

Dem-be-dem başında servüñ şûr u gavgâdur yine

Gösterür sahn-ı gülistân çarh-ı mînâdan nişân

Şâh-ı nergis bâgda şekl-i Süreyyâdur yine

Kayd-ı ‘ âlemden halâs ol câm-ı mey nûş eyle kim

Niceler nâ-bûd olur dünyâ bu dünyâdur yine

Leblerüñ vasfında şekker-rîz olup güftâr ider

Bâkî-i şîrîn-suhan tûtî-i gûyâdur yine