Derûn-ı dilde olan gam şarâb ile açılur

Derûn-ı dilde olan gam şarâb ile açılur

Nikâb-ı şeb gibi kim âftâb ile açılur

Cefâ idüp akıdur eşk-i bülbül-i zârı

Çemende gonce bu yüzden nikâb ile açılur

Nola mütâla`a-i safha-i cemâl itsem

Ki müşkilât-ı mesâ'il kitâb ile açılur

Müdâm ol mehi gör tatlu dil virür gayre

Bana gelince dehânı `itâb ile açılur

Tarîk-i aşkdan itme tecâvüz ey Yahyâ

Ki sana râh-ı Hudâ bil bu bâb ile açılur