Dervîşligiñ vasfını dimege ‘irfân gerek

Dervîşligiñ vaṣfını dimege ‘irfân gerek

Ma‘rifet yemişini yemege insân gerek

Küfr ü ẓulmet ḳapusı ḳâl ü ḳîlden açılmaz

Aġır çevgân ṣalmaġa ‘âlemde merdân gerek

Ḳudret ṭopın atmayan nefsiñ burcın yıḳamaz

Hû diyüp cân virmege ‘aşḳ-ıla mihmân gerek

Kevn ü mekân çirkini irkindi ṣu arıtmaz

Ṭaluban oynamaġa dervîşe ‘ummân gerek

Ṭaşın düzen dem-be-dem Ḥaḳdan naẓar bulur mı

Ḳalbiñ bâbın açmaġa ẕikr-ile devrân gerek

Dört kitâbı oḳuyan ‘ilme muḥtâc olur mı

Sırran seyrân itmege delîl ü burhân gerek

Aç gözüñ Ümmî Sinân dostı bunda göre gör

Dôst dîẕârın görmege ehline fermân gerek