Dergâh-ı Hakka derd ile ‘âşık niyâzda

Dergâh-ı Hakka derd ile ‘ âşık niyâzda

Bâtıl tasavvur itmede zâhid namâzda

Uşşâkvâr şevk ile huccâc raks ider

Âheng-i âh u nâlelerümden Hicâzda

Aşkuñla Zühre çarhda gerdûn semâ’ da

Hûrşîd ü mâh şevk ile sûz u güdâzda

Üftâdeler şikeste vü mecrûh u pây-mâl

Hûbân semend-i nâza binüp türktâzda

Bâkî karîn-i fürkatüñ olmak revâ mıdur

Akrân içinde böyle iken imtiyâzda