Derd ü gam bezmine kaddüm gibi bir çeng olmaz

Derd ü gam bezmine kaddüm gibi bir çeng olmaz

Nâylar nâlelerüm sâzına âheng olmaz

Kankı gündür ki senüñ seng-i gamuñ zahmından

Günbed-i çarh-ı felek başumuza teng olmaz

Olamaz meşreb-i rindâna muvâfık şol kim

Câmveş bâde-i gül-gûn ile hem-reng olmaz

İçeyin ‘ âleme rüsvây olayın n’olsa gerek

Âşıkam ‘ âşık-ı bed-nâma gam-ı neng olmaz

Âl ile ruhlaruñ alsun dil-i Bâkîyi hemân

Aña ey şûh-ı cihân böyle güzel reng olmaz