Derd-i Hakk'a tâlib ol dermâna erem dersen

Mihnetlere râgıb ol âsâna erem dersen

Aşk yolu belâlıdır her kârı cefâlıdır

Cânından ümîdin kes cânana erem dersen

Od yak sîneni çâk et su gibi özün pâk et

Yüzün yere sür hâk et ummâna erem dersen

Bu yolu bil andan gel deryâyı bul andan dal

Ka'rına erip el sal dür-kâne erem dersen

Sabr etmede Eyyûb ol gam çekmede Yakûb ol

Yûsuf gibi mahbûb ol Ken'ân'a erem dersen

Terk et kuru da'vâyı hem ucb ile riyâyı

Mısrî ko o sevdâyı Sübhân'a erem dersen

Son Yazılar