Der-Naat-ı Rasûl aleyhisselâm

Ol cihânın fahrinin sırrına kurbân olayım

Hutbe-i levkâk inen şânına kurbân olayım

''Kâbe kavseyni ev ednâ''sına kurbân olayım

Ben anın ilm ile irfânına kurbân olayım

Ben anın esrâr-ı mi'râcına kurbân olayım

Ol Ebûbekr ü Ömer Osmân Alî dört yârıdır

Ol risâlet bâğının anlar gül-i gülzârıdır

Cümle ashâb-ı hidâyet râhının envârıdır

Ben anın ilm ile irfânına kurbân olayım

Ben anın esrâr-ı mi'râcına kurbân olayım

Ol Hasan hazretlerine zehr içirdi eşkıyâ

Hem Hüseyn oldu susuzlukdan şehîd-i Kerbelâ

İkisidir asl u nesl-i cümle âl-i Mustafâ

Ben anın ilm ile irfânına kurbân olayım

Ben anın esrâr-ı mi'râcına kurbân olayım

Cümle ümmetden hayırlıdır o şâhın ümmeti

Ümmetine cümleden artık eder Hak rahmeti

Enbiyâ anınla buldu bunca lutf u izzeti

Ben anın ilm ile irfânına kurbân olayım

Ben anın esrâr-ı mi'râcına kurbân olayım

Her ne denlü enbiyâ vü mürselîn kim geldiler

Ümmeti olmaklığı Hak'dan temennî kıldılar

Evliyâ ana Niyâzî kul u kurbân oldular