Der-Medh-i Rasûl aleyhisselâm

Doğdu ol sadr-ı risâlet basdı ferş üre kadem

Saldı ol nûr-ı nübüvvet pertevin fevka'l-ümem

Çâlınıp tabl-ı beşâret geldi şâh-ı enbiyâ

Gulgule doldu cihâna kondu ol sâhib-i alem

Nur-ı vechinden alındı encüm ü şems ü kamer

Bahr-i ilminden bilindi hikmet-i levh u kalem

Merhabâ yâ Mustafâ ey nûr-ı ayn-i asfiyâ

Merhabâ ey sâhibe'l-mi'râcı fi'd-dâci'z-zulem

Gelmeseydin âleme halk olunmazdı cihân

Dostluğuna yaratıldı ey nebiyy-i muhterem

Biz günâhkâr ümmete sen şâhı irsâl eyledin

Hamduli'llâh sana ümmet eylemiş ol zî-kerem

Yâ Rasûlullâh şefâ'at kıl Niyâzî benden

Şol zamân baş açık yalın ayak kan ağlaram