Deme kim Hakk'ı sende mevcûd ola yâ bende

Deme kim Hakk'ı sende mevcûd ola yâ bende

Ne sendedir ne bende sığmaz ol bir mekana

Mekan bî-mekândır nişânı bî-nişândır

Zuhûr eden yine ol mekanda hem zamânda

Hem cân u hem ten oldur hem sen ü hem ben oldur

Cümle görünen oldur uzakda vü yakında

Sanır mısın kim oldur istediğin yâ budur

O bu kamu bir Hû'dur gidende vü duranda

Niyâzî gözün aç bak her şey olup durur Hak

Sanma anı kim ola nihânda vü ayânda