Demdür ki hârdan alına dâd-ı `andelîb

Demdür ki hârdan alına dâd-ı `andelîb

Dîvân-ı gülde dinlene feryâd-ı `andelîb

Gül hurrem oldı nagme-i bâd-ı bahâr ile

Açıldı gonce-i dil-i nâ-şâd-ı andelîb

Bir kerre gülle urmaz iken anı rûzgâr

Mümkin mi zahm-ı hâr ola mu`tâd-ı `andelîb

Zülfinde cây-ı dil olan ol zülf-i ham-be-ham

Bir âşiyânedür k'ola âbâd-ı `andelîb

Üstâddur ki kimse nazîrin işitmemiş

Yahyâ bu fende kim ola üstâd-ı `andelîb