Dehânı hasreti huşk etmedik dehan mı kodı

Dehânı hasreti huşk etmedik dehan mı kodı

Miyânı mihneti ham kılmadık miyân mı kodı

Metâʿ-ı vaslına cânlar verirdim ammâ kim

Amân o gamze-i hun-hâr bende cân mı kodı

Nice nişânlayabilsin gözüm o mekkârı

Nikâbını açıcak akldan nişân mı kodı

Siyâh kaşları mı yohsa Kahramân-ı cemâl

İki kılıç kuşanup adın ebrûvân mı kodı

O gûne zâlime arz-ı merâma kim kâdir

Nigâh-ı hışm ile lâl etmedik zebân mı kodı

Nedîm hak bu ki bendergeh-i belâgatda

Kumâş-ı nazm-ı terin gezmedik dükân mı kodı