Dehân-ı gonca-i hamrâda gûyâ jâleler yir yir

Olupdur la’ l-i dil-berde dilâ tebhâleler yir yir

Dilerlerse dür-i dendân-ı la’ l-i dil-beri ey dil

Revâdur âşinâlar bahr-i ‘ aşka talalar yir yir

Görenler ruhlaruñda halka halka zülfüñi dirler

Meh-i bedr ile san kim cem’ olupdur hâleler yir yir

Görinen cism-i zerdümde degüldür dâg-ı hûn-âlûd

Bitüpdür sahn-ı sahrâ-yı belâda lâleler yir yir

Kaçan mestâne gezsen çâr-sûy-ı dehri ey Bâkî

Olur ol demde peydâ her tarafdan nâleler yir yir

Son Yazılar