Dehen-i goncada ol la’l-i şeker-bâr olmaz

Dehen-i goncada ol la’ l-i şeker-bâr olmaz

Bülbül-i bâgda bu lezzet-i guftâr olmaz

Bulmadum câna gamuñ gibi muvâfık mahrem

Çok olur yâr velî yâr-ı vefâdâr olmaz

Nice pinhân ideyin sînede dâg-ı ‘ aşkuñ

Gül gibi zâhir olan nesneye inkâr olmaz

İde gör var ise lutfuñ beni söyler sanma

Gencdür nakd-i visâlüñ aña ikrâr olmaz

Şöyle nâz uyhusına varmış o yâr ey Bâkî

Ki cihân halkı figân eylese bî-dâr olmaz