Degül serv-i çemen ey nahl-i ter tenhâ hevâ-dârun

Degül serv-i çemen ey nahl-i ter tenhâ hevâ-dârun

Cinân bâgından olmuş Sidre vü Tûbâ hevâ-dârun

Degüldür gird-bâd-ı deşt cânâ şevk-i vaslunla

Girüpdür raksa niçe bî-ser ü bî-pâ hevâ-dârun

Hayâl-i bâde-i la`lünle dâ'im câma düşmezdi

Ger olmasa habâb-ı bâde-i hamrâ hevâ-dârun

Gözüm gibi degüldür kanlı yaşlar dökmeden hâlî

Olaldan dil-berâ zahm-ı dil-i şeydâ hevâ-dârun

Tagıtdı hırmen-ı sabr u karârı bâd-ı âhıyla

Bulunmaz hâsılı Yahyâ gibi cânâ hevâ-dârun