Degül ebrû yazılmış sûre-i rahmânda bir meddür

Misâlin yazmamışdur kâtib-i kudret ser-âmeddür

Kaçup vâ`iz sözünden meclisünde olmazam hâzır

Sözün farzâ begensem sîretün kem sûretün beddür

Benüm sabrum gibi kûtâhdur vaslun güni mâhum

Şeb-i hicrün senün zülf-i siyâhun gibi mümteddür

Düketdüm yaşumı derdünle şeyh-i fenn-i `aşk oldum

Yanumda Kays-ı şeydâ bî-haber bir tıfl-ı ebceddür

Harâb eylerdi seyl-i eşk-i çeşmüm `âlemi Yahyâ

Bi-hamdi`llâh o şâhun lutf u ihsânı ana seddür

Son Yazılar