Cûş-ı mey şeydâsıdır keyfiyyet-i güftârımın

Cûş-ı mey şeydâsıdır keyfiyyet-i güftârımın

Hande-i gül mestidir peymâne-i ser-şârımın

Neşve-i mey dâmen-i destimde bir ser-çeşmedir

Câm-ı Cem bir lâle-i hod-rûsudur kûhsârımın

Vasf-ı kaddinle kıyâmetler kopardım şöyle kim

Mihr-i mahşer şemse-i dîvânıdır eşʿârımın

Bü'l-aceb kâşâne-i nûrum ki tâb-ı âftâb

Mevce-i deryâ-fürûğ-ı tâbıdır dîvârımın

Vasf eden subh-ı bahârın safvet-i tabʿın Nedîm

Görmemişdir cûşiş-i feyzin dil-i bîdârımın