Cânımın sînede teng olsa nola câygehi

Cânımın sînede teng olsa nola câygehi

Salınır teng kabâlar giyip ol serv-i sehî

Rûzigâr anı siler miydi gözümden her dem

Tûtiyâdan da azîz olmasa ger hâk-i rehi

Dil-i erbâb-ı muhabbet hep ana düşmüştür

Sernigûndur diye çâh-ı zekanın sanma tehî

Cân verir âşık-ı dilhastalara gerçi lebi

Ne gönüller alır ammâ göz ucuyla nigehi

Etme ol şûh ile vuslat hevesin ey Nefî

Emrine râm edebilsin mi gedâ pâdişehi