Cânı dil ol ham-ı gîsû-yı semensâya çeker

Râzını söylemek ister anı tenhâya çeker

Kad çeküp gün-be-gün olmakda bülend ü mevzûn

Nahl-i gül var ise ol serv-i dil-ârâya çeker

Gizleyüp dâne-i hâl-i ruhınun sevdâsın

Mûr-ı bî-çâre-i dil künc-i süveydâya çeker

Hançerin kime olursa çeker ol gamze-i mest

Dil-i mecrûh sakınsun anı da`vâya çeker

Şükr kim ehl-i dili Hazret-i Sultân Murâd

Işiginde kul ider rütbe-i vâlâya çeker

Mu`terifdür yine sad gûne kusûra Yahyâ

Gerçi makdûrını ol dergeh-i a`lâya çeker

Son Yazılar