Cânâne görünür bana cânâ neye baksam

Cânâne görünür bana cânâ neye baksam

Kâşâne görünür heme virâneye baksam

Mest olup ayağım nere bastığımı bilmem

Her bâr ol iki gözleri mestâneye baksam

Mahbûb sevişinden bizi men'eyleme vâ'iz

İşitmez olur kulağım efsâneye baksam

Cümle bu cihân ol sanemin vechidir elhak

Ger mescid ü ya deyre ya put-hâneye baksam

Her zerre Niyâzî heme hurşid-i münevver

Her katre hemîn lücce vü deryâ neye baksam