Cânâ ne leb-durur bu ne yâkût-ı nâb olur

Cânâ ne leb-durur bu ne yâkût-ı nâb olur

Kim la'l anuñ odından eriyüben âb olur

Yañaguñ üzre zülfüñi görüp göñül didi

Zi hoş benefşe kim gül-i sürha nikâb olur

Nergis gözüñ humârını göreli gözlerüm

Şol câna beñzedi ki içi tolu şerâb olur

Senden cüda kılan beni bula cezâsını

Şol gün ki az günâha katı çoh ikâb olur

Didüm firâkuñ odına yahma beni didi

Kim âşıkuñ gözi yaş u bagrı kebâb olur

Virme baña azab didüm ışkuña didi

Âşıklaruñ nasîbi cihânda azâb olur

Didüm irem visâlüña remz-ile gözlerüñ

Didi ki Ahmedî bu ne yañlış hisâb olur