Cân ü dil hâk-i reh-i tevsen-i dildâra fedâ

Cân ü dil hâk-i reh-i tevsen-i dildâra fedâ

Pâre pâre dil-i sad pâre seg-i yâra fedâ

Çemen üzre görünen jâle değil bülbül ol

Eyledi cân güherin ol gül-i gülzâra fedâ

Sen büt-i deyre gelir deyüben ey rûh-ı revân

Cânların kıldı sanemler der ü dîvâra fedâ

Öleyim dirileyim dünyâda Circîs gibi

Günde bir kez kılayım cânım o hünkâra fedâ

Nefi’yâ iki cihânda budurur baş murâd

Ki edem cânımı ol şîvesi bisyâra fedâ

Nef'î