Câm-ı şarâb la’l-i lebüñ mübtelâsıdur

Câm-ı şarâb la’ l-i lebüñ mübtelâsıdur

Şol bûseler ki andan alur kan bahâsıdur

Rişteyle baglayup lebin ol şûh didi kim

Mihmân-ı hân-ı vasluma bu diş kirâsıdur

Hatt-ı ruhuñ ki dahı hicâb-ı hafâdadur

Aşk ehlinüñ efendi görinmez belâsıdur

Bâlâ-yı ser-nişîmen-i şeh-bâz-ı ‘ aşkdur

Farkumda na’ l sûreti şâhîn yuvasıdur

Bâkî suhanda saña bu gün hem-cenâh yok

Tab’ -ı bülendüñ evc-i belâgat hümâsıdur