Câm bir sırça sarây olmuş ki ferşi la`l-i nâb

Câm bir sırça sarây olmuş ki ferşi la`l-i nâb

Hücredür billûrdan şâh-ı hevâya her habâb

Pür görince sâgarı toldı derûnum şevk ile

Câmdan tâ câna te'sîr itdi tâb-i âftâb

Bezme virdi şem`-i kâfûrî gibi nûr-i ziyâ

Sâ`id-i sîmîn-i sâkî câm-ı zerrîn-i şarâb

Ateşîn meyle surâhî toldı sâkî kandadur

Şevk odı dilde alevlendi niçün itmez şitâb

Aşk ile hoş-hâl olan şeydâya anman vuslatı

Bâde-i sâfî virün Yahyâ'ya katman ana âb