cIşkuñ yolında anuñ-ıçun virmişem hayât

Işkuñ yolında anuñ-ıçun virmişem hayât

Kim hwîşten-perestlik elinden bulam necât

Bagdâd u Mısrı añma temâşâ beni eyle kim

Her kirpügüm ucından ahar Nîl-ile Furât

La'lüñden eydeyim dir-idüm bir dakîka lîk

Vehme dahı bilinmedi lutfından ol sıfât

Reyhân saçuñ ne fitneler eyler diye-y-idüm

Ger itmeye-y-di aklumı hayrân bu müşkilât

Didüm ki kıymaya baña gözüñ göñül didi

Devr-i kamerde kim bulısar fitneden necât

Yoluñda can n’olur virürler-ise bahâ

Degmez ayaguñuñ tozına cümle kâynât

Niçe kim Ahmedî lebüñi zikre getürür

Îsî bigi deminden ölüye virür hayât