Cilvegerdir ol kamer-hüsnün hayâli sînede
- Enes
- 4 Ara 2019
- 1 dakikada okunur
Cilvegerdir ol kamer-hüsnün hayâli sînede
Gösterir kendin perî-ruhsârlar âyînede
Bir hitâb-ı lutf ile hâtır-nevâz olsan desek
Söz geçer mi bilmem ol laʿl-i itâb-âyîne de
Fehm olunmazdı neşât-ı âlemin eksikliği
Görmesek renc-i humârı işret-i dûşînede
Zâhidâ âlâyiş dâmânın eyle şüst ü şû
Yalnız hâlet bulunmaz hırka-i peşmînede
Peyrev-i üstâd olup buldun Nedîmâ bî-taʿab
Dürr-i deryâ-yı fesâhat öyle bir gencînede
Comments