Cihânuñ göñlin aldı evc-i istignâda bir meh-rû

Aceb mi çıksa her yirden sipihre na’ re-i yâ Hû

Mu’ attar zülf ü hâlüñ seyr idenler ey gözi âhû

Dimişlerdür hakîkat misk odur ‘ âlemde ‘ anber bu

Kapuñda çok revân oldı dahı çok seyl olur yaşum

Meseldür akdugı yirde dimişler yine akar su

Garîb ahşama karşu zâr u ser-gerdân olur gâyet

Perîşan oldugı oldur göñül hep zülfüñe karşu

Hayâli her dem ey Bâkî gezer nice ser ü sîne

Hezârân kûh u deşti geşt ider bir demde bir âhû

Son Yazılar