Cihânda âşık-ı mehcûra sanma râhat olur

Cihânda âşık-ı mehcûra sanma râhat olur

Neler çeker bu gönül söylesem şikâyet olur

Ölünce demreni kalsun çıkarmanuz dilden

Tahammül eyleyemem olda bir cerâhat olur

Bu rûzgârda bir berg-i ayş girmez ele

Felek müsâ ade itmezse bi-mürüvvet olur

Le`îme rencîş-i hâtır virür kerem itmek

Mukayyed olmasun erbâb-ı dille zahmet olur

Yakında kûy-ı harâbâta ugradum Yahyâ

Ne hûb cây-ı safâ gûşe-i ferâgat olur